Kokborok Maitang Bijap

  || Achukgwi Ta-tongbaisidi || ~By~Kusumsa Tripura Jora kwrwikha phaibaisidi chalairog Phaibaisidi Achukgwi Ta-tongbaisidi. Bachai phaidi lampra o tiyar wngwi Jora naisingya lerwi Ta-tongbaisidi. Swkang yapri senani chengphaidi Satok-pitok khawi busuk tongsinai kechen?  Tabukle chwngbo tongliya buini tolao.  Chini amani kok kokborok kokno,  Nok burum-brum tunsukna nanganw.  Twisa twi thejaktoi dim dim ta-tongbaisidi!  Kha phurui bachai phaisidi kubui lamao.  Swmai tangwi, khorokgo risa soroi,  Yago homchang twwi nongkhorbaisidi.  Tapokdi nirok chini Rangchakni haano Tapokdi nirok chini swmaino, muitu khwlaidi.  Kokno kiyoksa rwnai khapang kha riwi Chaplaina nanganw kokma kokthairokno.  Jotto kuthumoi bosongno mwthangdi Haa arino twwibo chwng bolaina nanganw.  Uroi, Poroi wngjak dophano sochadi Palkhe yapri segwi haano nana khwlaidi. 

            || Chwngbo Bharat hani bwsa ||       ~By~Kusumsa Tripura Bharat haa kotoro Nwichichuku Haste  Tripura bo Bharat haste ni bisingo khopjakgo.  Bui sinio chwngno Tiprasa hinwi Muya chanai, Chakhui chanai,Gudok chanai.  Chini amani kok kokborok kok Chwng salaio amani kok kokborok.  Haa Bubagra kwmamani yagulo Chini Tiprasarok kwlaijak birmano.  Chwngbo Bharat hani bwsa Chini bo manthai sokthai tongo.  Chini manthaino buibai sekjakkha Sakni hao no buibai thungjakkha.  Chwngbo Bharat hani bwsa Chini manthaino chwngno rwdi.  Chwng komornaikha Thungjakte- thungjakte Phaidi khorang tisalaisinai jotto palkhe.  Chwngbo Bharat hani bwsa Chini manthaino chwng sanlai sinai. 

  Wansokthai Kokrok:- 1.Hoda-Dophani gam tobonani,kuchukgo tisanani hinkhai,bini lamago tama tama tong,obono sakang sinani nanglainai.Simani yagulose o kebengmungno nornanani lama rutukgoi mannai. Hoda-Dophani hamkraini lamago jotoni salai gorja jwngjal eba kebengmung ongkha borokrog sak sak gorja,sijak-nukjak,rwngjak haikhayoi wansokmani.Rwngyabo goseya,siyabo goseya,Sakno khom khom ongjakgo.Oboni bagoi sinai nuknaini oro kokbiti layagoi sakno kokbiti romanai haikhayoi khatunglaio.                                 Ang se jotoni salai Sinai,ani lamase jotoni salai gam lama,obohai wansokmungni nakholoi phayoi manyasak chini borokrogni hamari phainani aba tobonani barikhaino kutuk ongnai.Chini borokrog gyan ajegoi manyani bagoi sakno sijak-nukjak haikhe wansoklaio.             Borokrog post-no barikhai torjaklaio,post mannani,borom mannani bagoi khatunglaio.Bakhani wanokm...